एजेन्सी । नवौं संस्करणको आइसीसी टी-२० विश्वकपमा अमेरिकाले सानदार विजयी सुरुवात गरेको छ । प्रतियोगिताको उद्घाटन खेलमा घरेलु टोली अमेरिकाले क्यानडाविरुद्ध ७ विकेटको सहज जित हात पारेको हो । खराब सुरुवातका बाबजुद अमेरिकाका एन्ड्रिस गोस र आरोन जोन्सले आक्रमक साझेदारी गरेपछि क्यानडा खेलमा फर्कन सकेन ।
डालाससस्थित ग्रान्ड प्रेरी स्टेडियममा अमेरिकाले टस जितर फिल्डिङ रोजेपछि पहिला ब्याटिङ गर्दै आक्रामक क्रिकेट खेलेको क्यानडाले निर्धारित २० ओभरमा ५ विकेट गुमाएर १ सय ९४ रन बनाएको थियो । पहिलो विकेटका लागी आरोन जोनसन र नवनित धालीवालले ४३ रनको साझेदारी गरे । जोनसन छैटौं ओभरमा २३ रन बनाएर बाहिरिए । तेस्रो विकेटका लागी धालीवाल र निकोलश किर्टनबीच ३७ बलमा ६२ रनको साझेदारी भयो ।
किर्टनले ३१ बलमा ३ चौका र २ छक्काको सहयोगमा ५१ रन बनाए । धालीवालले ४४ बलमा ६ चौका र ३ छक्काको सहयोगमा ६१ रन जोडे । श्रेयश मोभ्भा १६ बलमा ३२ रन बनाउदै अविजित रहे । अमेरिकाका अलि खान, कोरि एन्डरसन र हरमित सिंहले १–१ एक एक विकेट लिए । क्यानडाका २ ब्याटर रन आउट भए ।
विशाल लक्ष्यसहित जवाफी ब्याटिङ गरेको घरेलु टोलीले १४ बल बाँकी रहँदै केवल ३ विकेट गुमाएर जित हासिल गर्यो । अमेरिकानले खराब सुरुवात गर्दै पहिलो ओभरमै रनको खाता नखोली स्टिभन टेलरलाई गुमायो । उनी कलिम सानाको एलबीडब्ल्यू धरापमा परे । मोनांक पटेलपनी १६ रनमा बाहिरिए । तर त्यसपछि सानदार पुनरागम गरेको अमेरिका लागि एन्ड्रिस गोस र आरोन जोन्सले आक्रमक ब्याटिङ गरे ।
यो जोडीले ४५ बलमा १ सय रनको साझेदारी गरेपछि क्यानडा खेलमा फर्कन सकेन । समग्रमा गोस र जोन्सले ५८ बलमा १ सय ३१ रनको साझेदारी गरे । गोस ४६ बलमा ६५ रनको आझमक इनिङ खेल्दै क्याच आउट भए । जोन्स सर्वाधिक ९४ रनमा अविजित रहे । यसका लागी केवल ४० बल खेलेका उनले ४ चौका र १० छक्का प्रहार गरे । अर्को एन्डमा कोरी एन्डर्सन ३ रनमा नटआउट रहे ।
क्यानडाका कलिम साना, डिलोन हेलिगर र निखिल दत्तले एक–एक विकेट लिए । आजै हुने समूह सीको खेलमा घरेलु टोली वेस्ट इन्डिजले पपुवा न्यु गिनीको सामना गर्नेछ ।
