काठमाडौं। युरोपियन च्याम्पियनसिपका लागि पोर्चुगलले प्रारम्भिक टिमको घोषणा गरेको छ ।
प्रमुख प्रशिक्षक रोबेर्टो मार्टिनेजले ३९ वर्षीय स्टार स्ट्राइकर क्रिस्टियानो रोनाल्डोलाई समेट्दै २६ सदस्यीय प्रारम्भिक टिमको घोषणा गरेका हुन् । टिममा ४१ वर्षीय रक्षक पेपे पनि परेका छन् ।
मिडफिल्डर माथेयस नुनेसले, लेफ्ट ब्याक राफेल गुएरेरो र रेनाटो सान्चेज भने टिमा पर्न असफल भए । पोर्चुगलले युरोपियन च्याम्पियनसिपअघि फिनल्यान्ड, क्रोएसिया र आयरल्यान्डसँग मैत्रीपूर्ण खेल खेल्ने तालिका छ । युरोकपको समूह ‘एफ’ मा रहेको पोर्चुगलले चेक रिपब्लिकसँग खेल्दै युरोपियन च्याम्पियनसिपको सुरुवात गर्नेछ ।
पोर्चुगलको प्रारम्भिक टिम:
गोलकिपर: डिओगो कोस्टा (पोर्टो), जोसे सा (उल्भ्स), रुई प्याट्रिसियो (रोमा)
डिफेन्डर: एन्टोनियो सिल्भा (बेन्फिका), डानिलो परेरा (पेरिस सेन्ट जर्मेन), डिओगो डालोट (म्यानचेस्टर युनाइटेड), गोन्कालो इनासियो (स्पोर्टिङ), जोआओ क्यान्सेलो (बार्सिलोना), नेल्सन सेमेडो (उल्भ्स), नुनो मेन्डेस (पीएसजी), पेपे (पोर्टो) र रुबेन डायस (म्यानचेस्टर सिटी)
मिडफिल्डर: ब्रुनो फर्नान्डेज (म्यानचेस्टर युनाइटेड), जोआओ नेभेस (बेन्फिका), जोआओ पाल्हिन्हा (फुल्हम), ओटाभियो मोन्टेइरो (अल नासर), रुबेन नेभेस (अल-हिलाल), भिटिन्हा (पीएसजी)
फरवार्ड: बर्नाडो सिल्भा (म्यानचेस्टर सिटी), क्रिस्टियानो रोनाल्डो (अल नासर), डियागो जोटा (लिभरपुल), फ्रान्सिस्को कोन्सिकाओ (पोर्टो), गोन्कालो रामोस (पीएसजी), जोआओ फेलिक्स (बार्सिलोना), पेड्रो नेटो (उल्भ्स) र राफेल लिओ (एसी) मिलान)।
