काठमाडौं। पूर्वराष्ट्रपति एवं एमाले पूर्वउपाध्यक्ष विद्यादेवी भण्डारीले एमालेको परम्परागत राजनीति र कार्यशैलीमा व्यापक रूपान्तरणको खाँचो औंल्याएकी छन्।
३३ औँ मदन–आश्रित स्मृति दिवसका अवसरमा एमालेले बल्खुमा आयोजना गरेको कार्यक्रमलाई सम्बोधन गर्दै उनले मदन भण्डारी नेपालको कम्युनिस्ट आन्दोलनको दूरदर्शी नेता भएको बताएकी हुन्।
उनले मदन भण्डारीद्वारा प्रतिपादित ‘जनताको बहुदलीय जनवादु (जबजं लाई केवल राजनीतिक नारामा मात्र सीमित नराखेर आधुनिक युगसँग जोड्नुपर्ने बताएकी छन्। त्यस्तै,शिक्षा, प्रविधि, उद्यमशीलता, उत्पादन र नवप्रवर्तनसँग युवालाई प्रभावकारी रूपमा जोड्न सकियो भने नेपालले समृद्धिको नयाँ ढोका खोल्न सक्ने उनको भना छ।
‘जबजको मूल मर्म भनेको जनताको मत, जनताको अधिकार र जनतामाथिको अटुट विश्वास हो। बहुदलीय प्रतिस्पर्धा, लोकतान्त्रिक अभ्यास, राष्ट्रिय स्वाभिमान र सामाजिक रूपान्तरणलाई एकसाथ अघि बढाउने यसको दृष्टिकोण आज पनि उत्तिकै सान्दर्भिक छ,’ उनले भनिन्।
