काठमाडौं। संविधान संशोधनका लागि बहसपत्र तयार गर्न संविधान संशोधनका लागि बहसपत्र तयार गर्न गठित कार्यदलले जेनजी प्रतिनिधिहरूसँग शुक्रबार गर्न लागेको छलफलका विषयमा अन्योल देखिएको भन्दै संवादका लागि आह्वान गरेको छ।
कार्यदलका संयोजक असिम शाहले सबै सरोकारवालाको सुझाव समेटेर बहसपत्रलाई पूर्णता दिनु नै कार्यदलको मुख्य ध्येय रहेको र सोहीअनुरूप जेनजीलाई पनि छलफलका लागि आमन्त्रण गरिएको बताए।
उनका अनुसार अघिल्लो सरकारसँग भएका सहमति कार्यान्वयनकै चरणमा छन् र जेनजी परिषद् निर्माणको कार्य पनि अन्तिम चरणमा पुगेको छ।
यो कार्यदलले आयोजना गरेको छलफल संविधान संशोधनका लागि सुझाव संकलन गर्ने विशेष र फरक उद्देश्यका लागि भएकाले यसलाई अन्य विषयसँग नमिसाउन उनले आग्रह गरे।
यसअघि रक्षा बम, तनुजा पाण्डेसहित २५ जेनजीले संयुक्त वक्तव्य जारी गर्दै सरकारले विगतमा गरेका सम्झौता कार्यान्वयन गर्नुको सट्टा ३ मिनेट सुझाव दिन बोलाएर औपचारिकता मात्र पूरा गर्न खोजेको आरोप लगाउँदै्र छलफल बहिस्कार गरेका थिए।
उनीहरुले ०८२ मंसिर २४ गते सरकार र जेनजी प्रतिनिधिबीच भएको १० बुँदे सम्झौताको बुँदा नम्बर ५ मा उच्चस्तरीय संविधान संशोधन सुझाव आयोग गठन गर्ने सहमति कार्यान्वयनको माग गरेका थिए।
