काठमाडाैं। राष्ट्रिय स्वतन्त्र पार्टी (रास्वपा) को उच्चस्तरीय प्रतिनिधिमण्डल चीन भ्रमणमा गएको छ। चिनियाँ कम्युनिस्ट पार्टी (सीपीसी) को औपचारिक निमन्त्रणामा महामन्त्री विपिनकुमार आचार्यको नेतृत्वमा २० सदस्यीय टोली शनिबारदेखि चीन भ्रमणमा गएको हो।
रास्वपाका अनुसार भ्रमणका क्रममा नेपाल र चीनका राजनीतिक दलबीच अनुभव आदानप्रदानसँगै सुशासन, आर्थिक विकास, सार्वजनिक सेवा प्रवाह र संस्थागत क्षमता अभिवृद्धिका विषयमा छलफल हुनेछ।
त्यस्तै, जनअपेक्षाअनुसार राजनीतिक नेतृत्व कसरी प्रभावकारी बनाउन सकिन्छ भन्ने विषय पनि भ्रमणको छलफलको कार्यसूचीमा रहेको छ।
दुवै पार्टीले यस भ्रमणलाई नेपाल–चीनबीचको राजनीतिक संवाद, आपसी समझदारी र विकास सहकार्य विस्तार गर्ने अवसरका रूपमा लिएका छन्।
चीनको सत्तारूढ दल सीपीसीको निमन्त्रणामा हुन लागेको भ्रमणलाई रास्वपाले राजनीतिक तथा संस्थागत अनुभव आदानप्रदानको अवसरका रूपमा अघि सारेको छ। भ्रमणमा पार्टीका महामन्त्री आचार्यसहित केन्द्रीय नेतृत्व तथा विभिन्न क्षेत्रका प्रतिनिधिहरू सहभागी छन्।
भ्रमण टोलीमा को–को छन्?
महामन्त्री आचार्यको नेतृत्वमा चीन गएको प्रतिनिधिमण्डलमा निम्न सदस्यहरू रहेका छन् :
गणेश पराजुली
हरि ढकाल
कविन्द्र बुर्लाकोटी
लिमा अधिकारी आचार्य
समीक्षा बास्कोटा
सागर ढकाल
सुशान्त वैदिक
रीमा विश्वकर्मा
रमेश कुमार सापकोटा
डा. धनञ्जय रेग्मी
गजला शमिम मिकरानी
श्रीराम न्यौपाने
डा. राम लामा
पुनम कुमारी अग्रवाल
डा. आनन्दबहादुर चन्द
डा. सुजाता तामाङ
पुष्पा कुमारी चौधरी
अरविन्द शाह
रत्ना थापा
