काठमाडौं। अमेरिका र इरानबीचको युद्ध समाप्त गर्नका लागि इस्लामाबादमा मंगलबार दोस्रो चरणको वार्ता हुन लागेको छ। तर, त्यसअघि नै इरानले त्यहाँ आफ्ना प्रतिनिधि पठाउन अस्वीकार गरेको छ।
इरानको सरकारी समाचार एजेन्सी तस्निमका अनुसार, इरानका बन्दरगाहमा नौसेना नाकाबन्दी कायम रहेसम्म पाकिस्तानमा वार्ताका लागि कुनै प्रतिनिधिमण्डल पठाइने छैन।
यसबीच, अमेरिकी राष्ट्रपति डोनाल्ड ट्रम्पले धम्की दिँदै भनेका छन् कि इरानसँग अब अन्तिम मौका छ। यदि समझौता भएन भने इरानको पूर्वाधारमा ठूला हमला गरिनेछ।
उनले यो पनि बताए कि अमेरिकी प्रतिनिधिमण्डल सोमबार वार्ताका लागि पाकिस्तान पुग्नेछ।
ट्रम्पले न्यूयोर्क पोस्टसँगको कुराकानीमा पुष्टि गरेका छन् कि उनका विशेष दूत स्टिभ विटकफ र जेरेड कुशनर इस्लामाबाद पुग्नेछन्। उनले उपराष्ट्रपति जेडी भेन्स पाकिस्तान नजाने पनि बताएका छन्। भेन्सले अप्रिल ११–१२ मा इरानसँगको वार्तामा अमेरिकी प्रतिनिधिमण्डलको नेतृत्व गरेका थिए।
