काठमाडौं । नेकपा एमालेको पोलिटब्युरो बैठक ललितपुरको च्यासलस्थित पार्टी केन्द्रीय कार्यालयमा जारी छ। शुक्रबारदेखि सुरु भएको बैठकमा तीन प्रमुख प्रतिवेदन प्रस्तुत गरिएको छ।
बैठकमा पार्टी अध्यक्ष केपी शर्मा ओलीले राजनीतिक प्रतिवेदन, उपाध्यक्ष विष्णु पौडेलले विधान संशोधन प्रतिवेदन, र महासचिव शंकर पोखरेलले संगठनात्मक प्रतिवेदन पेस गरेका छन्।
हाल ती प्रतिवेदनहरूलाई लिएर पोलिटब्युरो सदस्यहरूबीच छलफल जारी रहेको पार्टी स्रोतले जनाएको छ। बैठकमा प्रतिवेदनमाथि विस्तृत रूपमा राय, सुझाव तथा छलफलपछि आवश्यक निर्णय लिने तयारी रहेको बताइएको छ।
पार्टीको आसन्न महाधिवेशन र संगठन सुदृढीकरणका सन्दर्भमा यी प्रतिवेदनहरूलाई महत्वपूर्ण मानिएको छ। बैठकले पार्टी रणनीति, संगठन निर्माण र विधानको पुनरावलोकनका विषयमा महत्वपूर्ण निर्णय लिने अपेक्षा गरिएको छ।
