काठमाडौं। एप्पलका मुख्य कार्यकारी अधिकारी (सिइओ) टिम कुक आफ्नो पदबाट राजीनामा दिन लागेका छन्।
एप्पलका अनुसार टिम कुक सन् २०२६ सेप्टेम्बर १ देखि कम्पनीको बोर्ड अफ डाइरेक्टर्सको एक्जेक्युटिभ चेयरम्यान बन्नेछन्। र, जोन टर्नस नयाँ सिइओ हुनेछन्। जोन टर्नस हाल हार्डवेयर इन्जिनियरिङका सिनियर भाइस प्रेसिडेन्ट हुन्।
स्टिभ जब्सपछि टिम कुकले सिइओको पद सम्हालेका थिए। अब उनको लगभग १५ वर्षको कार्यकाल समाप्त हुँदैछ।
भविष्यमा एक्जेक्युटिभ चेयरम्यानको रूपमा टिम कुक कम्पनीका केही काममा सहयोग गर्नेछन्, जस्तै, विश्वभरका नीति(निर्मातासँग जोडिनु आदि।
यता, जोन टर्नस सन् २००१ मा एप्पलको प्रोडक्ट डिजाइन टिमबाट जोडिएका थिए। सन् २०१३ मा उनी हार्डवेयर इन्जिनियरिङका भाइस प्रेसिडेन्ट बनेका थिए।
टर्नसले सन् २०२१ मा हार्डवेयर इन्जिनियरिङका सिनियर भाइस प्रेसिडेन्टको रूपमा एक्जेक्युटिभ टिम ज्वाइन गरेका थिए। अब उनी सेप्टेम्बर महिनाबाट सिइओको पद सम्हाल्नेछन्।
