काठमाडौं । चालू आर्थिक वर्ष २०८०/०८१ मा विभिन्न १४ वटा वैदेशिक रोजगार कम्पनीहरुले मात्र फ्री भिसा, फ्री टिकटमा नेपाली श्रमिकहरुलाई विदेश पठाएका छन् ।
यसअघि वैदेशिक रोजगार विभागले म्यानपावर व्यवसायीहरूसँग फ्री भिसा, फ्री टिकटमा कामदार पठाएको विवरण माग गरेको थियो ।
म्यानपावर व्यवसायीहरूले खाडीका ६ मुलुक र मलेसियामा फ्री भिसा, फ्री टिकटको कोटा ल्याएर कामदार पठाउँदै आएका छन् ।
वैदेशिक रोजगार विभागको तथ्याङक अनुसार हालसम्म ती कम्पनीहरुले फ्री भिसा, फ्री टिकटमा नेपाली श्रमिकहरुलाई विदेश पठाएका हुन् । विभागले सोमबार सार्वजनिक गरेको सूचना अनुसार १४ वटा कम्पनीले फ्री भिसा, फ्री टिकट लागू गरेको देखिएको छ ।
विभागले गत बिहीबार मात्र म्यानपावर कम्पनीसँग फ्री भिसा फ्री टिकटमा कामदार पठाइएको विवरण माग गरेको थियो । सोही बमोजिम विभिन्न संस्थाहरुले विभागमा पेश गरेको विवरण अनुसार हालसम्म ती कम्पनीले मात्र यो व्यवस्था लागू गरेको भेटिएको हो ।
श्रमिक र कामदार दुबैलाई सहज वातावरण सृजना गर्न उक्त विवरण मागिएको मन्त्रालयले बताएको छ ।
हेर्नुहोस
