काठमाडौं । युवा तथा खेलकुद मन्त्रालयले समयसीमा तोकेर ‘तत्काल सुधार कार्ययोजना २०८२’ सार्वजनिक गरेको छ । मन्त्रालयले सुशासन, पारदर्शिता र कार्यक्षमता अभिवृद्धि गर्ने उद्देश्यले विभिन्न समयसीमा सहित १२ बुँदामा आधारित सुधार योजना सार्वजनिक गरेको हो ।
कार्ययोजनाअनुसार मन्त्रालयसँग सम्बन्धित नागरिकका गुनासो सुन्न र समाधानका लागि ‘गुनासो कक्ष’ स्थापना गरिनेछ । उक्त कार्य ७ दिनभित्र सम्पन्न गर्ने योजना बनाइएको मन्त्रालयले जनाएको छ ।
त्यस्तै अन्तर्राष्ट्रिय प्रतियोगिताका लागि खेलाडी छनोट गर्दा पारदर्शिता कायम राख्न मापदण्डअनुसार खुला प्रतियोगिता सञ्चालन गरेर मात्र खेलाडी छनोट गर्ने कार्यविधि सार्वजनिक गरिनेछ । यो कार्य १५ दिनभित्र पूरा गर्ने समयसीमा तोकिएको छ ।
मन्त्रालयका अनुसार ‘तत्काल सुधार कार्ययोजना २०८२’ ले खेलकुद क्षेत्रको व्यवस्थापन सुधार, उत्तरदायित्व र दक्षता बढाउन सहयोग गर्ने अपेक्षा गरिएको छ ।
