बुटवल। दुई दिनको वर्षाका कारण हिलाम्य हुनुका साथै चिप्लो भएपछि अवरुद्ध बनेको पूर्वपश्चिम राजमार्गको बुटवल-नारायणगढ सडकखण्डको दाउन्ने क्षेत्रमा एकतर्फी सवारी सञ्चालन भइरेको छ। यो सडक चार लेनमा विस्तार भइरहेको हो।
नवलपरासी पूर्वको विनयी त्रिवेणी गाउँपालिका-२ स्थित दाउन्ने खण्डमा सडक एकतर्फी सञ्चालन भइरहेको जिल्ला प्रहरी कार्यालयका एसपी युवराज खड्काले बताए। सडक एकतर्फी सञ्चालन गरेर सवारीलाई पालैपालो पास गर्न थालिएको छ।
तर, दुम्कीबासको ज्यामिरेसम्मको पाँच किलोमिटरमा भने सवारीसाधनको जाम छ।
यो सडकमा गत शुक्रबारबाट राति मालबाहक गाडी गुडाउन रोक लगाइएको थियो।
