काठमाडौं। राष्ट्रिय परीक्षा बोर्डले ०८२ को माध्यमिक शिक्षा परीक्षा (एसइई) को नतिजा सोमबार सार्वजनिक गरेको छ।
सार्वजनिक नतिजा अनुसार यसवर्ष देशभरबाट परीक्षामा सहभागी भएका कुल विद्यार्थीमध्ये ६५.९८ प्रतिशत विद्यार्थी उत्तीर्ण भएका छन्।
यस वर्षको परीक्षामा कुल ४ लाख ३० हजार ६६७ जना विद्यार्थी सहभागी भएका थिए। जसमध्ये २ लाख ८४ हजार १६० जना विद्यार्थीले माथिल्लो कक्षामा भर्ना हुन योग्य अंक प्राप्त गरेका छन् भने १ लाख ४६ हजार ५०७ जना विद्यार्थीको नतिजा नट ग्रेडेड आएको छ।
बोर्डले सार्वजनिक गरेको तथ्याङ्क अनुसार ३.६० देखि ४. ग्रेड ल्याउनेको संख्या ४८ हजार ३९२ छ। त्यस्तै, ३.२० देखि ३.६० ग्रेड ल्याउने विद्यार्थी ८० हजार ३७२ छन्।
२.८० देखि ३.२० ग्रेड ल्याउने विद्यार्थीको संख्या ९४ हजार २२२ रहेको छ भने २.४० देखि २.८० सम्म ल्याउने ५५ हजार ९७७ छन्।
ग्रेड २ देखि २.४ सम्म ल्याउने ५ हजार १९०, ग्रेड १.६ देखि २ ल्याउने ७ जना छन्।
