रास्वपा काठमाडौंका तीन क्षेत्रमा विजयी, विराजभक्तका सबै २१ प्रतिस्पर्धीको जमानत जफत

काठमाडौं। राष्ट्रिय स्वतन्त्र पार्टीले काठमाडौंका तीनवटा निर्वाचन क्षेत्रमा जित निकालेको छ।

नतिजा आएका तीनै काठमाडौं १ मा रञ्जु दर्शना, ६ मा शिशिर खनाल र ८ मा विराजभक्त श्रेष्ठ निर्वाचित भएका हुन्। रञ्जु पहिलोपटक संसद प्रवेश गर्दैछिन् भने खनाल र श्रेष्ठले यसअघि ०७९ मा पनि जितेका थिए।

काठमाडौं ८ मा श्रेष्ठका सबै २१ प्रतिस्पर्धीको जमानत जफत भएको छ।

कुल सदर मतको १० प्रतिशत नल्याउनेको जमानत जफत हुन्छ। श्रेष्ठ २४ हजार ५९२ मतसहित विजयी हुँदा निकटतम प्रतिस्पर्धी नेकपाका सुमन सायमीले ३ हजार २१७ मत मात्र पाए, जुन १० प्रतिशत पुग्दैन। कांग्रेसका सपना राजभण्डारी (२ हजार ८३५), एमालेका राजेश शाक्य (१ हजार ९०९) र राप्रपाका नबिन शाहीले १ हजार ९०९ मत मात्र पाए।