काठमाडौँ । राष्ट्रिय स्वतन्त्र पार्टी (रास्वपा) ले पार्टी संगठन, संसदीय दल र सरकारबीच नीतिगत एकरूपता र प्रभावकारी समन्वय कायम गर्न उच्चस्तरीय पार्टी–संसद–सरकार समन्वय समिति गठन गरेको छ।
पार्टी केन्द्रीय समितिको गत वैशाख ७ गते बसेको बैठकको निर्णय र पार्टी विधान २०७९ (तेस्रो संशोधन २०८१) को व्यवस्था अनुसार यो समिति गठन गरिएको हो।
समितिमा पार्टीका पदाधिकारी, केन्द्रीय सदस्य र सांसदहरू गरी १० सदस्य छन्। जसको संयोजकमा महामन्त्री
भूपदेव शाह छन् भने केन्द्रीय सचिवालय सदस्य सरिताश्री ज्ञवाली उपसंयोजक छन्।
सदस्यमास् रवि किरण अधिकारी, विशाल अधिकारी, अरविन्द साह (सांसद), करिष्मा कठरिया (सांसद), मनिष खनाल (सांसद), रमेश सापकोटा (सांसद) र श्रृष्टि भट्टराई (सांसद) छन्। सदस्य सचिवमा रामकुमार ढुंगाना छन्।
रास्वपाले सुशासन, पारदर्शिता र जनअपेक्षाअनुरूपको परिणाममुखी राजनीतिक अभ्यासलाई आफ्नो मूल कार्यदिशा मानेको छ।
समितिको मुख्य भूमिका र उद्देश्य
रास्वपाले सुशासन, पारदर्शिता र जनअपेक्षाअनुरूपको परिणाममुखी राजनीतिक अभ्यासलाई आफ्नो मूल कार्यदिशा मानेको छ। यसै सन्दर्भमा समितिको मुख्य जिम्मेवारीहरू निम्नानुसार तोकिएका छन्।
१. नीतिगत एकरूपतास् पार्टीको नीति, घोषणापत्र र निर्वाचन प्रतिबद्धताहरूलाई संसदीय अभ्यास र सरकारी कार्यान्वयन प्रक्रियासँग प्रभावकारी रूपमा आबद्ध गर्ने।
२. संस्थागत तालमेलस् राजनीतिक दृष्टिकोण, विधायिकी कार्यसम्पादन र कार्यकारी जिम्मेवारीबीच सुदृढ संस्थागत तालमेल कायम गर्ने।
३. पारदर्शी निर्णय प्रक्रियास् निर्णय प्रक्रियालाई व्यवस्थित, पारदर्शी, उत्तरदायी र प्रमाणमा आधारित बनाउँदै संस्थागत प्रणालीलाई मजबुत पार्ने।
४. एकरूपता र उत्तरदायित्वस् पार्टीको आधिकारिक सन्देश र सार्वजनिक संवादमा एकरूपता ल्याई जनविश्वास अभिवृद्धि गर्ने।
