काठमाडौं । प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ओलीबीच भेटवार्ता भएको छ । सोमबार बिहानमात्र प्रधानमन्त्री निवास बालुवाटारमा प्रमुख तीन दलका शीर्ष नेताहरु प्रधानमन्त्री एवम माओवादी केन्द्रका अध्यक्ष प्रचण्ड, नेपाली काँग्रेसका सभापति शेर बहादुर देउवा र एमाले अध्यक्ष ओली बीच छलफल भएको थियो ।
प्रमुख तीन दलका शीर्ष नेताहरु बीचको छलफलपछि सत्तारुढ दुई दलका शीर्ष नेता प्रचण्ड र ओली पुन छलफलमा बस्नु भएको हो । सत्तारुढ दलका दुई शीर्ष नेताहरु बीच प्रधानमन्त्री तथा मन्त्रीपरिषद्को कार्यालय सिंहदरबारमा छलफल जारी छ ।
प्रधानमन्त्री प्रचण्डले ओली र देउवासँग छलफल गर्नुअघि आजै नेकपा एकीकृत समाजवादीका अध्यक्ष माधव नेपालसँग समेत भेटवार्ता गरेका थिए ।
