काठमाडौं । बंगलादेशका सांसद अनवरुल अजिम अनारको हत्या गरेको आरोपमा एक बंगालदेशी नेपालमा पक्राउ परेका छन् ।
नेपाल प्रहरीले बिहीबार नै मोहम्मद सियाम हुसेन नाम गरेका बंगलादेशीलाई पक्राउ गरेको जनाइएको छ । हत्या आरोपी हुसेनलाई नेपाल प्रहरीले नेपाल–भारत सीमाक्षेत्रबाट पक्राउ गरेको बताइन्छ ।
तर, प्रहरीले स्थानबारे अझै खुलाएको छैन । यो विषयमा प्रहरी अधिकारी बोल्न नचाहे पनि बंगलादेशका सांसदको हत्यामा संलग्न भएको भनिएका बंगलादेशी हुसेन बंगलादेशको सूचनानका आधारमा नेपालको सीमा क्षेत्रबाट पक्राउ परेको बताइएको छ ।
