काठमाडौं। टप एण्ड टी–२० सिरिजको पाँचौं खेलमा नेपालले मेलर्वन रेनेगेड्सलाई ३३ रनले पराजित गरेको छ।अष्ट्रेलियाको पार्मर्स्टनस्थित काजालिस ऐरिनामा भएको खेलमा नेपालले दिएको १४० रनको लक्ष्य पछ्याएको रेनेगेड्स २० ओभरमै १०६ रनमा अलआउट भयो।
रेनेगेड्सतर्फ अर्जुन नैरले २२ बलमा २६ रन बनाए भने ह्यारी डिक्सनले १६ रन जोडे। ओलिभर पिक र लेमिरले क्रमशः १४ र १८ रन बनाए। अन्य कुनै पनि ब्याटर दोहोरो अंकमा पुग्न सकेनन्।
नेपालका लागि सोमपाल कामीले शानदार प्रदर्शन गर्दै ५ विकेट लिए। त्यस्तै कुशल भुर्तेलले २ तथा साहब आलम र रुपेश सिंहले १–१ विकेट लिए।
यसअघि ब्याटिङ गरेको नेपालले २० ओभरमा ९ विकेट गुमाउँदै १३९ रनको योगफल बनाएको थियो।
-कुशल मल्लले २२ बलमा सर्वाधिक २९ रन
-कप्तान दिपेन्द्र सिंह ऐरीले २७ रन
-लोकेश बमले २४ रन
-भिम सार्कीले १७ रन
-रुपेश सिंहले १६ रन बनाए।
ओपनर कुशल भुर्तेल १ रनमै आउट भएका थिए भने साहब आलम शून्य रनमै अविजित रहे। बलिङतर्फ रेनेगेड्सका फर्गुस ओ’निल, कालुम स्टो, लच्लान ब्याङ्स र मिचेल आर्चरले समान २–२ विकेट लिए।
नेपालले यसअघि लगातार ३ खेलमा हार बेहोरेको थियो भने चौथो खेलमा हर्बट हुरिकेन्सलाई ६६ रनले पराजित गरेको थियो।
