एजेन्सी । भारतीय प्रधानमन्त्री मोदी र रुसी राष्ट्रपति भ्लादिमिर पुटिनबीच भेटवार्ता भएको छ । दुई दिने भ्रमणमा मस्को पुगेका भारतीय प्रधानमन्त्री मोदी र पुटिनबीच मंगलबार भेटवार्ता भएको हो ।
भारतीय प्रधानमन्त्री मोदीले यो भेटवार्ताले भारत तथा रुसबीचको सम्बन्ध अझ मजबुत बनाउन सहयोगी पुग्ने विश्वास गरेका छन् ।
भेटमा रुसी राष्ट्रपति पुटिनले तेस्रो कार्यकालका लागि प्रधानमन्त्री बनेकोमा मोदीलाई बधाई दिएका छन् । मोदी मस्कोमा हुने २२औं भारत–रुस वार्षिक शिखर सम्मेलनमा समेत सहभागी हुनेछन् ।
मोदीलाई मस्को विमानस्थलमा रुसी सेनाको एक टुकडीले ‘गार्ड अफ अनर’ समेत दिएको थियो । तेस्रो पटक प्रधानमन्त्री बनेपछि मोदी पहिलो विदेशयात्रामा निस्किएका हुन् ।
यसअघि रुसी राष्ट्रपति पुटिनले उत्तर कोरियाली नेता किम जोङ उनलाई भेटेका थिए । उक्त भेटमा हतियार आपूर्ति वा सैन्य–प्राविधिक सहयोगबारे छलफल भएको थियो ।
