भारतीय प्रधानमन्त्री मोदीले दिए प्रधानमन्त्री कार्कीलाई नेपाली भाषामा बधाई

काठमाडौं । भारतीय प्रधानमन्त्री नरेन्द्र मोदीले नेपालको अन्तरिम सरकारको प्रधानमन्त्री सुशीला कार्कीलाई बधाई तथा शुभकामना व्यक्त गरेका छन् ।

हिजो राति प्रधानमन्त्रीको शपथ लिएको कार्कीलाई मोदीले आज नेपाली भाषामै बधाई दिएका छन् ।

उनले सामाजिक सञ्जाल एक्समा भनेका छन्, ‘नेपालको अन्तरिम सरकारको प्रधानमन्त्रीको रूपमा पदभार ग्रहण गर्नुभएकोमा सम्माननीय श्रीमती सुशीला कार्कीज्यूलाई हार्दिक शुभकामना । नेपालका दाजुभाइ तथा दिदीबहिनीहरूको शान्ति, प्रगति र समृद्धिप्रति भारत पूर्ण रूपमा प्रतिबद्ध छ ।’