काठमाडौं । लमजुङको क्व्होंलासोथर गाउँपालिका–३ बगुमस्थित पच्युटोलमा पहिरोमा परेर बेपत्ता भएका चार जनाको शव भेटिएको छ ।
वडासदस्य विनप्रसाद घलेका अनुसार पहिरोमा परी बेपत्ता भएकामध्ये ६९ वर्षीय रूद्रमान गुरुङ, ३६ वर्षीया पञ्चकुमारी गुरुङ र उनकी पाँच वर्षीया छोरी नम्रता तथा सात वर्षीया इच्छा गुरुङको शव भेटिएको हो ।
एकजना घाइते भएका थिए । लगातारको वषासँगै घर माथिबाट आएको पहिरोले स्थानीय चित्र घले, रुद्रमान गुरुङ र पञ्चकुमारी गुरुङको घर पुरिएको हो ।
यस्तै पहिरोमा पुरिएर लमजुङ दोर्दी गाउँपालिका वडा नं.९ स्याउत सुनार गाउँका १६ वर्षीय विकल सुनारको पनि मृत्यु भएको छ ।