धनगढी । कैलाली कारागारका जेलर बसन्त खत्रीको ठाउँमा जालन्धर भुसाल नियुक्त भएका छन्। भुसाल शनिवार दिउँसो ३ बजे कैलाली पुगेर आफ्नो जिम्मेवारी सम्हालेका छन् भने जिल्ला प्रशासन कार्यालयका सूचना अधिकारी शिवराज जोशीले जानकारी दिए।
शुक्रबार राति कारागारमा झडप हुँदा धनगढी–४ का भरत चौधरीको मृत्यु भएको थियो भने ४७ जना घाइते भएका छन्। शनिवार दिउँसो पनि कारागारमा असामान्य अवस्था देखिएको थियो। कैदीहरूले केहीबेर कारागार नियन्त्रणमा लिएका थिए भने प्रहरीको प्रयासपछि अवस्था सामान्य बनाइएको थियो।
यस विषयमा सहायक प्रमुख जिल्ला अधिकारी किरण जोशीको संयोजकत्वमा पाँच सदस्यीय छानबिन समिति गठन गरिएको छ। समितिले १० दिनभित्र घटनाको कारण पत्ता लगाएर प्रतिवेदन पेश गर्नुपर्नेछ।
घाइतेमध्ये एक जनालाई उपचारका लागि काठमाडौं लगिएको छ भने अन्यको उपचार भइरहेको छ। गृहमन्त्री रशेम लेखकले सुरक्षा निकायका प्रमुखसँग पनि यस विषयमा छलफल गरेका छन्।
