काठमाडौं। आज सार्वजनिक बिदा हो। तर, लगातार तीन दिन विदा हुने भएकाले सरकारी अस्पतालमा बहिरंग (ओपिडी) सेवा सञ्चालन भएका छन्।
वैशाख १८, १९ र २० गते लगातार तीन दिन सार्वजनिक बिदा परेका कारण सरकारी अस्पतालमा ओपिडी सेवा प्रभावित हुने देखिएपछि स्वास्थ्य मन्त्रालयले शुक्रबार नियमित काम गर्न भनेको थियो।
लगातार तीन दिन बिदा हुँदा सेवाग्राहीलाई असुविधा हुने भएपछि यस्तो निर्देशन दिइएको मन्त्रालयका सहप्रवक्ता डा समीरकुमार अधिकारीले जानकारी बताए। शुक्रबार श्रमिक दिवस र बुद्ध जयन्तीको सार्वजनिक बिदा परेको छ।
शनिबार र आइतबार पनि सार्वजनिक बिदा हुने भएपछि सरकारले शुक्रबार सार्वजनिक बिदाको दिन पनि ओपीडी सेवा सञ्चालन गर्न भनेको हो।
