काठमाडौं। कोलम्बियामा गत सोमबारको शक्तिशाली भूकम्पपछि उद्धार कार्य जारी छ। उद्धा रकर्ताहरू भग्नावशेषमा थिचिएका मानिसलाई बाहिर निकाल्न खटिरहेका छन्।
भूकम्पमा परी हालसम्म २२४ मानिसको मृत्यु भएको पुष्टि भइसकेको छ। सबैभन्दा बढी क्षति क्याली र परेरा सहरमा भएको छ।
७.४ म्याग्निच्युडको उक्त भूकम्प सोमबार बिहान ७ः ३४ बजे आएको थियो। यसको धक्का पश्चिमी कोलम्बियाका सयौँ माइल टाढासम्म महसुस गरिएको थियो। मंगलबार पनि भूकम्पपछिका धक्काहरू महसुस भइरहे।
राष्ट्रपति अबेलार्डो डे ला एस्प्रिएलाले देशमा आपतकाल घोषणा गरेका छन्।
राष्ट्रपति मंगलबार सबैभन्दा बढी प्रभावित सहरमध्ये एक परेरा पुगेका थिए। सो क्रममा उनले भूकम्पमा परी करिब दुई हजार ६ सय घाइते भएको र करिब दुई जना अझै बेपत्ता रहेको जानकारी दिए।
उनका अनुसार ११० घरहरू पूर्ण रूपमा ध्वस्त भएका छन् भने ८ हजार भन्दा बढी घरहरूमा क्षति पुगेको छ।
