काठमाडौं । सगरमाथा आरोही डिजे तेन्जिङ शेर्पा सम्मानित भएका छन् । शेर्पालाई विभिन्न संघ÷संस्थाले सम्मान गरेका हुन् । सफल सगरमाथा आरोहण गरेको उपलक्ष्यमा शेर्पा विद्यार्थी संघ, हिमालयन शेर्पा कल्चर र थोलेदेम्बा शेर्पा किदुकलगायतका संघ÷संस्थाले कार्यक्रमको आयोजना गरेर सम्मान गरेको हो । डिजे शर्पाले मे २१ मा सगरमाथाको सफल आरोहण गरेका थिए ।
उनले मे १७ मा ६,४०० मिटरको उचाइमा रहेको सगरमाथा क्याम्प २ मा ‘डीजे पार्टी’ आयोजना गरी सबैभन्दा उच्च—उचाईमा भएको डीजे कन्सर्टको लागि गिनिज वल्र्ड रेकर्डको प्रयास पनि गरेका थिए ।
मार्चको अन्त्यमा उनले ‘स्टप ग्लोबल वार्मिङ, सेभ द हिमालय’ भन्ने नाराका साथ ‘एभरेस्ट एक्सपेडिसन २०२४’ घोषणा गरेका थिए ।
अभियानको उद्देश्य व्यक्तिगत उपलब्धिभन्दा पनि त्यसले पर्यटन प्रवद्र्धन गर्न र जलवायु परिवर्तनको असरबारे चेतना जगाउन पनि खोजेको शेर्पाले बताए ।
यसअघि संस्कृति, पर्यटन तथा नागरिक उयनमन्त्री हितबहादुर तामाङले डीजे तेन्जिङले त्यस अभियानमार्फत जनचेतना अभिवृद्धि गर्ने प्रयासको प्रशंसा गरेका थिए ।
मन्त्री तामाङले तेन्जिङलाई नेपालको राष्ट्रिय झण्डा दिएर उनको प्रयासमा सरकारको समर्थन जनाएका थिए । सोलुखुम्बुका तेन्जिङले विगत १२ वर्षदेखि सोलुखुम्बु क्षेत्रमा विशेषगरी अन्तर्राष्ट्रिय सगरमाथा दिवस, २९ मे १९५३ मा ऐतिहासिक सगरमाथा आरोहणको सम्झनामा सांगीतिक कार्यक्रम आयोजना गर्दै आएका छन् ।
