काठमाडौं । नेपाली कांग्रेसले हिमाली जिल्लाका निर्वाचन क्षेत्रहरूका लागि आफ्ना उम्मेदवार टुङ्ग्याएको छ । साेमबार चक्रपथको एक होटलमा बसेको संसदीय बोर्डको बैठकले हिमाली र पहाडी जिल्लाको टिकट वितरण करिब करिब टुङ्ग्याएको हो । त्यस्तै अन्य जिल्लाहरूको टिकट समेत टुङ्गो लगाउँदै गएको छ ।
नेपाली कांग्रेसका सभापति गगनकुमार थापाले आगामी फागुन २१ को निर्वाचनमा उम्मेदवार चयनमा समावेशी, सन्तुलित र न्यायपूर्ण ढंगले अगाडी बढेको बताएका छन्।
‘हामी उम्मेदवार छनोटको अन्तिम चरणमा छौँ। समय र प्रक्रियागत बाध्यताबीच पनि समावेशी, सन्तुलित र न्यायपूर्ण निर्णय गर्ने भरपूर प्रयास भइरहेको छ,’ थापाले भनेका छन्, ‘भोलि सबैजना आ-आफ्नो क्षेत्रमा गएर पार्टीको आधिकारिक उम्मेदवारको पक्षमा एकढिक्का भएर लागौँ । यो व्यक्तिगत होइन, पार्टीको साझा अभियान हो।’
पार्टीभित्र देखिएका छलफल र निर्णय प्रक्रियाबारे स्पष्ट पार्दै सभापति थापाले भोलिदेखि सबै नेता–कार्यकर्ता आ–आफ्नो क्षेत्रमा गएर पार्टीका आधिकारिक उम्मेदवारको पक्षमा एकताबद्ध भएर लाग्न आग्रह गरेका छन्।
यी क्षेत्रमा कांग्रेसले टुङ्ग्यायाे उम्मेदवार (सूचीसहित)
जुम्ला : दिप बहादुर शाही
सल्यान : केशबहादुर विष्ट,
हुम्ला : जयपति रोकाय,
डोल्पा : कर्णबहादुर बुढा,
दैलेख-२ : दिक्पाल शाही
दैलेख-१: बासना थापा
मुगु : खडक बहादुर शाही
कालिकोट : हर्ष बम
बाजुरा : जनकराज गीरि
रसुवा : मोहन आचार्य
म्याग्दी : कर्णबहादुर भण्डारी
मोरङ ३ : शुनिल शर्मा
अछाम-१ : भरतकुमार स्वाँर
अछाम–२ : पुष्पबहादुर शाह
बैतडी : चतुर बबहादुर चन्द
रूकुम पूर्व : कुसुम थापा मगर
रोल्पा : डा. सुदनकुमार वली
बाग्लुङ-२ : टेकराज पौडेल
प्यूठान : डा. गोविन्दराज पोखरेल,
काठमाडौं ३ : दुजाङ शेर्मा,
पाँचथर : नरेन्द्र केरुङ,
तेह्रथुम : सन्तोष सुब्बा,
धनकुटा : दिनेश राई,
इलाम १: निश्कल राई,
ताप्लेजुङ– गजेन्द्र तुम्येहाङ
गुल्मी १ : डा. चन्द्र भण्डारी
