काठमाडौं । संघीय संसदको संसदीय छानबिन विशेष समितिले समस्याग्रस्त घोषित २० सहकारीको कागजात झिकाउने भएको छ ।
सहकारी संस्था बचत रकम दुरुपयोग सम्बन्धमा गठित संसदीय छानबिन विशेष समितिले ‘समस्याग्रस्त व्यवस्थापन समिति अन्तर्गत रहेका २० वटा सहकारीका आवश्यक कागजात झिकाउनका लागि पत्राचार गर्ने निर्णय गरेको हो।
सरकारले ०७५ असारदेखि सहकारीलाई समस्याग्रस्त घोषणा गर्दै आएको छ । हालसम्म घोषित भएका २० समस्याग्रस्त सहकारीबाट बचतकर्ताको ३० अर्ब हिनामिना भएको हुनसक्ने ठानिएको छ ।
चालू आर्थिक वर्षमा मात्र ८ सहकारीलाई समस्याग्रस्त घोषणा गरिएको छ। र, यी सहकारीले कति रकम हिनामिना गरेका छन् र संलग्न को को छन् भनेर संसदीय समितिले छानबिन गर्नेछ ।
समस्याग्रस्त २० सहकारीको नामावली
–शिव शिखर बहुउद्देश्यीय सहकारी संस्था लिमिटेड
–कृषि विकास बहुउद्देश्यीय सहकारी संस्था
–हाम्रो नयाँ कृषि सहकारी संस्था लिमिटेड
–तुलसी बहुमुखी सहकारी संस्था लिमिटेड
–लालीगुरास बहुउद्देश्यीय सहकारी संस्था
–गौतमश्री बहुउद्देश्यीय सहकारी संस्था लिमिटेड
–प्रभु बचत तथा ऋण सहकारी संस्था
–कन्जुमर बचत तथा ऋण सहकारी संस्था
–कुवेर बचत तथा ऋण सहकारी संस्था
–भेगास बचत तथा ऋण्या सहकारी संस्था
–समोसाइटल बचत तथा ऋण सहकारी संस्था
–लुनिभा बहुउद्देश्यीय सहकारी संस्था
–कान्तिपुर सेभिङ एण्ड क्रेडिट को–अपरेटिभ लिमिटेड
–स्ट्याण्डर्ड सेभिङ को–अपरेटिभ
–ओरेण्टल को–अपरेटिभ
–प्यासिफिक सेभिङ एण्ड इन्भेष्टमेन्ट को–अपरेटिभ
–कोहिनुर हिल सेभिङ एण्ड क्रेडिट को–अपरेटिभ
–चार्टर्ड सेभिङ एण्ड क्रेडिट को–अपरेटिभ लिमिटेड
–स्ट्याण्डर्ड मल्टिप्रपोज को–अपरेटिभ लिमिटेड
–पशुपति सेभिङ क्रेडिट को–अपरेटिभ लिमिटेड
