काठमाडौं । जनता समाजवादी पार्टी(जसपा) नेपालको अध्यक्ष बाहेक बाँकी रहेका पदाधिकारी छनौटका लागि निर्वाचन नहुने भएको छ । अध्यक्षमा उपेन्द्र यादव बुधबार नै सर्वसम्मतले चयन भैसकेको छ ।
अन्य १९ पदाधिकारी र केन्द्रीय सदस्यमा ३७२ उम्मेदवारी परेको थियो । चुनाव गराउँदा समावेशी नहुने अबस्था देखेर अध्यक्ष यादवले सर्वसम्मति टिम बनाउने प्रस्ताव राखेका थिए ।
अध्यक्ष यादवको प्रस्ताव सर्वसम्मतिले पारित भएको जसपा नेता मनिष सुमनले जानकारी दिए । उनले सबै उम्मेदवारले उम्मेदवारी त्यागेको पनि बताए । नेतृत्व चयन गर्ने जिम्मा पार्टी अध्यक्ष यादवलाई दिइएको छ ।
उनका अनुसार सम्भवत आजै १९ पदाधिकारी र २०१ केन्द्रीय सदस्य अध्यक्ष यादवले घोषणा गर्ने तयारी गरेका छन् । सबैले उम्मेदवारी त्यागेकाले उम्मेदवारी परेको पदबाट अन्य पदमा पनि नेतालाई व्यबस्थापन गर्न सकिने भएको छ ।
