काठमाडौं । नेपाली कांग्रेसका निवर्तमान सभापति शेरबहादुर देउवा पक्षले छुट्टै १५औँ महाधिवेशनको तयारी अघि बढाउँदै ५५ जिल्लामा संयोजक तोकेको छ।
देउवा पक्षले गठन गरेको १५औँ महाधिवेशन तयारी समितिका आयोजक तथा पूर्वमहामन्त्री डा शशांक कोइरालाले जिल्लागत रूपमा संयोजक तोकेका हुन्।
आगामी मंसिर २१ देखि २३ गतेसम्म महाधिवेशन गर्ने तयारीअनुसार जिल्ला संयोजक तोकिएको कांग्रेस नेता एनपी साउदले जानकारी दिएका छन्।
१४औँ महाधिवेशनबाट निर्वाचित अधिकांश जिल्ला सभापति संस्थापन पक्षमा उभिएपछि देउवा समूहले समानान्तर रूपमा महाधिवेशनको तयारी अघि बढाएको हो। यद्यपि, देउवा पक्षले मधेस प्रदेशका कुनै पनि जिल्लामा अहिलेसम्म संयोजक तोकेको छैन। मधेसका आठै जिल्लामा संयोजक चयन हुन बाँकी रहेको छ। यससँगै बाँकी जिल्लामा पनि संयोजक तोकेर महाधिवेशन तयारीलाई अघि बढाउने देउवा पक्षको तयारी छ।
कोशीमा ८ जिल्ला : कोशी प्रदेशमा पाँचथरमा डेकेन्द्रकुमार तामाङ, झापामा कृष्ण हुमागाईं, संखुवासभामा रामकुमार जिसी, भोजपुरमा धर्मराज राई, मोरङमा सुभास पौडेल, खोटाङमा रोजन राई, ओखलढुंगामा वालगोविन्द राजभण्डारी र उदयपुरमा बसन्त बस्नेतलाई संयोजक तोकिएको छ।
ताप्लेजुङ, इलाम, तेह्रथुम, धनकुटा, सुनसरी र सोलुखुम्बुमा भने संयोजक तोक्न बाँकी छ।
बागमतीका ११ जिल्लामा संयोजक : बागमती प्रदेशमा दोलखामा ताराकुमार खड्का, रामेछापमा जितबहादुर मगर, रसुवामा उपेन्द्र लम्साल, धादिङमा गोपाल विक, नुवाकोटमा श्रीराम श्रेष्ठ, सिन्धुपाल्चोकमा लालकाजी तामाङ, चितवनमा मिलन श्रेष्ठ, मकवानपुरमा भीम लामा, भक्तपुरमा दुर्लभ थापा, ललितपुरमा सुदर्शन घिमिरे र काठमाडौंमा जयकृष्ण महर्जनलाई जिम्मेवारी दिइएको छ।
सिन्धुली र काभ्रेमा संयोजक तोक्न बाँकी छ।
गण्डकीका ८ जिल्लामा जिम्मेवारी : गोरखामा भूगोल थापा, लमजुङमा रामकृष्ण कँडेल, कास्कीमा ऋषिराम काफ्ले, मनाङमा नाचोड गुरुङ, पर्वतमा रामकृष्ण मल्ल, म्याग्दीमा हिराबहादुर पुन मगर, बागलुङमा सागर छन्त्याल र नवलपुरमा अशोक बस्ताकोटीलाई संयोजक बनाइएको छ।
तनहुँ, मुस्ताङ र स्याङ्जामा संयोजक तोक्न बाँकी छ।
लुम्बिनीका ११ जिल्लामा संयोजक: लुम्बिनी प्रदेशमा नवलपरासीमा विकास घिमिरे, रूपन्देहीमा गुनाखर भुर्तेल, कपिलवस्तुमा अब्दुल मन्नान खाँ, पाल्पामा माधव नेपाल, अर्घाखाँचीमा लक्ष्मण पाण्डे, गुल्मीमा वेदबहादुर थापा, रोल्पामा मानबहादुर खत्री, प्यूठानमा ईश्वरीसिंह विष्ट, दाङमा गोपालराज शर्मा, बाँकेमा कृष्ण कार्की र बर्दियामा जगतप्रसाद पाण्डेलाई संयोजक तोकिएको छ।
सुदूरपश्चिमका ८ जिल्लामा जिम्मेवारी: बाजुरामा धनराज पण्डित, बझाङमा हर्क जङ्गबहादुर सिंह, डोटीमा नरेन्द्रबहादुर सिंह, दार्चुलामा सुरेन्द्र अवस्थी, बैतडीमा वीरबहादुर विष्ट, डडेल्धुरामा डिल्लीराज जोशी, कञ्चनपुरमा पदम बोगटी र कैलालीमा खेमबहादुर डगौरा थारुलाई संयोजक तोकिएको छ। अछाममा भने संयोजक तोक्न बाँकी छ।
कर्णालीका ८ जिल्लामा संयोजक : कर्णाली प्रदेशमा डोल्पामा देउप्रसाद बुढा, जुम्लामा हेम बुढा थापा, मुगुमा कर्ण रावल, हुम्लामा सूर्यबहादुर शाही, कालिकोटमा मातृका सिंह, जाजरकोटमा राजजंग शाह, दैलेखमा मीनबहादुर विश्वकर्मा ९मिलन० र सुर्खेतमा ललित भट्टराईलाई जिम्मेवारी दिइएको छ।
रुकुम पश्चिम र सल्यानमा संयोजक तोक्न बाँकी छ।
