काठमाडौं। सरकारले आठवटा विश्वविद्यालयमा रिक्त उपकुलपति पदमा नियुक्तिका लागि आवेदन आह्वान गरेको छ।
उपकुलपति छनोट तथा सिफारिस समितिले शुक्रबा सूचना जारी गरी त्रिभुवन, पूर्वाञ्चल, पोखरा, लुम्बिनी बौद्ध, कृषि तथा वन विज्ञान, मध्यमपश्चिम विश्वविद्यालय, सुदूरपश्चिम र राजर्षि जनक विश्वविद्यालयका लागि उपकुलपति माग गरेको हो।
इच्छुक र योग्य उम्मेदवारले शुक्रबारदेखि २५ देखि १० दिनभित्र शिक्षा, विज्ञान तथा प्रविधि मन्त्रालयको वेबसाइटमा राखिएको लिंकमा गएर दरखास्त दिन सक्ने सूचनामा उल्लेख गरिएको छ।
रिक्त उपकुलपति पदका लागि नाम सिफारिस गर्न गठित नाम छनोट तथा सिफारिस समितिले यही वैशाख २४ गते एकीकृत कार्यविधि स्वीकृत गरेको थियो।
सरकारले जारी गरेको अध्यादेशका कारण ती विश्वविद्यालयका पदाधिकारी पदबाट बर्खास्त भएका थिए।
