काठमाडौं। निर्वाचन आयोगले प्रतिनिधि सभा निर्वाचनका लागि तीन दिन सार्वजनिक बिदा दिन सरकारलाई सिफारिस गरेको छ। निर्वाचन आयोगका प्रवक्ता सहसचिव नारायणप्रसाद भट्टराईका अनुसार २०, २१ र २२ गते बिदा दिन सरकारलाई पत्राचार गरिएको हो। अन्तिम निर्णय भने मन्त्रिपरिषद्ले गर्नेछ।
प्रतिनिधि सभा निर्वाचन अन्तर्गत फागुन २१ गते मतदान तय भएको छ। यदि आयोगको सिफारिस अनुसार निर्णय भयो भने निर्वाचनको आसपासको समय ‘लामो बिदा’मा रूपान्तरण हुनेछ।
कसरी बन्छ एक साता लामो बिदा?
फागुन १८ गतेः पहाडी जिल्लामा होली
फागुन १९ गतेः तराई मधेसमा होली
फागुन २०–२२ गतेः निर्वाचनका लागि सिफारिस गरिएको बिदा
फागुन २३ गतेः शनिबार (साप्ताहिक बिदा)
फागुन २४ गतेः अन्तर्राष्ट्रिय महिला दिवस (आइतबार)
यसरी हेर्दा होलीदेखि महिला दिवससम्मको अवधि जोडिँदा करिब एक सातासम्म सार्वजनिक बिदाको वातावरण बन्ने देखिन्छ।
लामो विदाले प्रशासनिक कामकाजमा असर पर्ने देखिन्छ। खासगरी सरकारी कार्यालय र सेवा प्रवाहमा असर पर्न सक्छ।
