प्रधानमन्त्री कार्कीले सानो आकारको मन्त्रिमण्डल गठन, तीन मन्त्रीको नाम टुंगो

काठमाडौं । प्रधानमन्त्री सुशीला कार्कीले सानो आकारको मन्त्रिमण्डल गठन गरेकी छन्। पदभार ग्रहण गरेकै दिन तीन अलगअलग क्षेत्रका प्रतिष्ठित व्यक्तिहरूलाई मन्त्रीको रूपमा टुंगो लगाइएको छ।

अधिवक्ता एवं अधिकारकर्मी ओमप्रकाश अर्यालले गृह मन्त्रालयसहित कानुन, न्याय तथा संसदीय मामिला मन्त्रालयको जिम्मेवारी पाएका छन्। पूर्वअर्थसचिव रामेश्वर खनालले अर्थ मन्त्रालय सम्हाल्ने भएका छन्।

यस्तै, नेपाल विद्युत् प्राधिकरणका पूर्व कार्यकारी निर्देशक कुलमान घिसिङले तीन महत्त्वपूर्ण मन्त्रालयको जिम्मेवारी पाएका छन्। उनी अब भौतिक पूर्वाधार तथा निर्माण मन्त्रालय, ऊर्जा, जलस्रोत तथा सिँचाइ मन्त्रालय र सहकारी विकास मन्त्रालय सम्हाल्नेछन्।

प्रधानमन्त्री कार्कीले मन्त्रिमण्डल गठनका लागि सिफारिस राष्ट्रपति रामचन्द्र पौडेलसमक्ष शीतलनिवासमा पेश गरिसकेकी छन्। नवनियुक्त मन्त्रीहरूको शपथ भोलि सोमबार हुने जानकारी शीतलनिवास स्रोतले दिएको छ।