काठमाडौं । दश वर्षअघि गोरखाको बारपाक केन्द्रबिन्दु भएर गएको विनासकारी भूकम्पको सम्झनामा आज बारपाकमा फोटो प्रदर्शनी गरिएको छ। माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले फोटो प्रदर्शनीको उद्घाटन गरेका छन्।
१० औं भूकम्प स्मृति दिवसको अवसरमा आज बारपाकमा भूकम्पको क्षति र पुनर्निर्माण झल्काउने फोटो प्रदर्शनी गरिएको हो। भूकम्प स्मृति दिवसका अवसरमा बारपाक गाउँपालिकाले आज पालिका क्षेत्रभरि सार्वजनिक बिदा दिएको छ।
