काठमाडौं। अमेरिकी राष्ट्रपति डोनाल्ड ट्रम्पले इरानलाई परमाणु हतियार राख्न अनुमति दिन नसकिने कुरा पुनः दोहोर्याएका छन्।
ट्रम्पले भने, ‘सनकी मानिसहरूलाई परमाणु हतियार राख्ने अनुमति दिन सकिँदैन।’ वास्तवमा, अमेरिकाको १९७३ को वार पावर्स एक्ट अनुसार राष्ट्रपतिले कंग्रेसको अनुमति बिना ६० दिनसम्म मात्र सैन्य कारबाही गर्न सक्छन्।
त्यसपछि उनले कि त कारबाही रोक्नुपर्छ वा कंग्रेसबाट अनुमति लिनुपर्छ। यदि सैनिकहरूको सुरक्षासँग जोडिएको अत्यावश्यक स्थिति भएमा थप ३० दिनको समय माग गर्न सकिन्छ। तर राष्ट्रपति ट्रम्पले यो युद्ध जारी राख्नका लागि आफूलाई अमेरिकी सांसदहरूको अनुमतिको आवश्यकता नभएको बताएका छन्।
डोनाल्ड ट्रम्पले भने, ‘२८ फेब्रुअरी २०२६ मा सुरु भएको लडाइँ अब समाप्त भएको छ। तर अमेरिकाले इरानसँगको टकराव तत्कालै पूर्ण रूपमा अन्त्य गर्ने छैन, किनकि त्यसो गर्दा केही वर्षपछि हामीले फेरि उस्तै समस्या झेल्नुपर्ने हुन सक्छ।’
ट्रम्पले अगाडि भने कि अमेरिकाले विश्वका लागि खतरा पैदा गर्ने हरेक हतियार नष्ट गर्ने प्रयास गर्नेछ, जसमा सबैभन्दा पहिले परमाणु हतियार पर्दछन्। इरानको परमाणु कार्यक्रमलाई निसाना बनाउनु आवश्यक कदम भएको उनको तर्क थियो। उनले दाबी गरे कि यदि यसो नगरिएको भए ुइरानले इजरायल र बाँकी मध्य पूर्वका देशहरूलाई ध्वस्त पार्न सक्थ्यो।ु
उल्लेखनीय छ कि हाल अमेरिका–इजरायल र इरानबीच युद्धविरामको स्थिति छ। तर वार्तामा अहिलेसम्म कुनै ठूलो प्रगति देखिएको छैन।
