काठमाडौं । काठमाडौंबाट महोत्तरीको भिट्ठामोडतर्फ जाँदै गरेको यात्रुबाहक बस रौतहटको चन्द्रपुर नगरपालिका–२ मा सोमबार बिहान दुर्घटना हुँदा १० जना यात्रु घाइते भएका छन्।
पूर्व–पश्चिम राजमार्ग अन्तर्गत पर्ने उक्त स्थानमा बिहान साढे ४ बजेतिर बा.प्र. ०१–००६ ख. ५२१६ नम्बरको बस आफैं अनियन्त्रित भई सडकबाट करिब सात मिटर तल खस्दा दुर्घटना भएको जिल्ला प्रहरी कार्यालय रौतहटले जानकारी दिएको छ ।
प्रहरीका अनुसार, घाइतेमध्ये अधिकांश भारतीय नागरिक छन्। उनीहरूलाई चन्द्रपुरस्थित चपुर प्रालि अस्पतालमा उपचार भइरहेको छ। बस दुर्घटनापछि बस चालक फरार भए पनि हालसम्म प्रहरीको सम्पर्कमा आएका छन्।
बसमा सवार अन्य १५ यात्रुलाई प्रहरीले अर्को बसको व्यवस्था गरी गन्तव्यतर्फ पठाइसकेको छ।
यी हुन् घाइते १० यात्रु
१ देश भारत सितामढी जिल्ला बस्ने वर्ष ४४ कि रेखा देवीकाे कमर चोट, अवस्था सामान्य।
२ ऐ.ऐ.बस्ने बस्ने वर्ष २२ को जहदेवी झाको कमर र ढाडमा चोट अवस्था मध्यम।
३ ऐ.ऐ.बस्ने वर्ष ११ को बिसु कुमार पटेलको बायाँ आखामुनी चोट, अवस्था सामान्य।
४ ऐ. दरभंगा जिलला बस्ने वर्ष २६ को मोहमद अमजलको कमरमा चोट, अवस्था सामान्य।
५ ऐ.ऐ. बस्ने मोहमद अकिलको शरीररको दाहिने भागमा चोट, अवस्था मध्यम।
६ ऐ.ऐ. बस्ने वर्ष ३८ कि नरगिस खातुनको बायाँ हातको कुममा चोट, अवस्था सामान्य
७ ऐ.ऐ. बस्ने मोमहद अकिलको छोरा वर्ष २ को आयस प्रतिकको टाउकोमा चोट, अवस्था मध्यम।
८ जि.धनुषा सिरेश्वरनाथ न.पा. वार्ड न.१ मा बस्ने वर्ष २३ कि अनुष्का निगमको टाउकोमा चोट, अवस्था सामान्य।
९ ऐ.ऐ जनकपुर बस्ने वर्ष ३५ कि संतोषी ठाकुरको बायाँ कुम र टाउकोमा चोट, अवस्था सामान्य।
१० जि.महोतरी जलेश्वर न.पा. वार्ड न. ४ मा बस्ने वर्ष ४३ कि पुनम ठाकुरको छाती र कुममा चोट, अवस्था सामान्य।
