नेपालले आईसीसी टी-२० विश्वकप २०२६ मा आज इटलीसँग खेल्दैछ । समूह सी को दोस्रो खेलमा इटलीसँग मुम्बईको वाङ्खेडे स्टेडियममा सवा ३ बजे खेल्दै छ।
नेपाल र इटली दुवै टोली पहिलो खेलमा पराजित भएका थिए । नेपाल इंग्ल्यान्डसँग तथा इटली स्कटल्यान्डसँग पराजित भएको थियो । दुवै टोली आज पहिलो जितको खोजीमा हुनेछन् ।
नेपाल र इटली १३ वर्षपछि फरक फर्म्याटमा भिड्न लागेका हुन् । सन् २०१३ को आईसीसी डिभिजन ३ मा नेपालले इटलीसँग खेलेको थियो । तर त्यो ५० ओभरको खेल थियो ।
नेपाल रहेको समूह ‘सी’ मा वेस्ट इन्डिजले ४ अंक जोडिसकेको छ । इंग्ल्यान्ड र स्कटल्यान्डले २ खेलमा २ अंक जोडेका छन् ।
