काठमाडौँ । विश्वभरका वेभसाइटहरूमा अहिले एकै पटक समस्या देखिएको छ । विभिन्न न्यूज वेभसाइटदेखि वेभमा आधारित सामाजिक सञ्जालसम्ममा समस्या देखिएको हो ।
एक्स जस्ता सामाजिक सञ्जाल तथा च्याट जीपीटीजस्ता वेभमा आधारित एआई प्लेटफर्मले समेत अहिले केही समय अघिदेखि काम गर्न छाडेको छ ।
विज्ञमा अनुसार क्लाउडफ्लेयरमा देखिएको समस्यामा कारण वेभसाइटसम्मको पहुँच अवरुद्ध भएको हो । क्लाउडफ्लेयर एक इन्टरनेट पूर्वाधार हो अनलाइनलाई सहज रुपमा सञ्चालन गर्ने प्राविधिक सेवाहरु प्रदान गर्छ । साइबर आक्रमणबाट वेबसाइटलाई जोगाउने र उच्चा ट्राफिकको बीचमा अनलाइन क्र्यास नहुने अवस्था सुनिश्चित गर्ने काम यसले गर्छ ।
समस्याबारे क्लाउडफ्लेयरले यसबारे अपडेट गर्दै भनेको छ, ‘हामीलाई थाहा छ, र धेरै ग्राहकलाई असर गर्ने समस्याको अनुसन्धान गरिरहेको छ,’ ‘थप जानकारी उपलब्ध भएपछि थप विवरण प्रदान गरिनेछ।’
प्रभावित वेभसाइटमा ‘क्लाउडफ्लेयरको नेटवर्कमा आन्तरिक सर्भर त्रुटि’ भएको सङ्केत गर्ने सन्देश दिएको छ ।
