काठमाडौं । नेपालको पहिलो महिला न्यायाधीश शारदा श्रेष्ठको निधन भएको छ । सर्वोच्च अदालतका सूचना अधिकारी निराजन पाण्डेका अनुसार ८४ वर्षीया श्रेष्ठको उपचारका क्रममा शुक्रबार बिहान महाराजगन्जस्थित प्रहरी अस्पतालमा निधन भएको हो ।
बिरामी भएकी उनी केही दिनदेखि प्रहरी अस्पतालमा उपचाररत थिइन् । सघन उपचारकक्ष आईसीयुमा उपचार गराई स्वास्थ्यमा सुधार भएपछि उनलाई वार्डमा सारिएको थियो । श्रेष्ठको आजै साँझ ४ बजे पशुपतिस्थित आर्यघाटमा अन्त्येष्टि गरिने बताइएको छ।
