काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले आफूहरू कमजोरी सच्चाएर वर्ग, समुदाय र मुद्दासहित जनतातिर फर्किएको बताएका छन्। हुलाकी मार्ग केन्द्रित अभियानअन्तर्गत बर्दियाको गुलरियामा आयोजित खबरदारी सभालाई सम्बोधन गर्दै अध्यक्ष दाहालले फेरि एकपटक ०६४ कै जस्तो ठूलो पार्टी बनेर देशको नेतृत्व र जनताको पक्षमा काम गर्ने अवसर दिन अपील गरे।
माओवादी सरकारमा रहँदा सुशासन, सामाजिक न्याय र आर्थिक विकासमा गरेका अभियानले जनतामा आशा पलाएको जिकिर गर्दै अध्यक्ष दाहालले भारत, चीनलगायत अन्तर्राष्ट्रिय भ्रमणका बखत गरेका सहमति, समझदारीहरूले देश र जनताको पक्षमा महत्त्वपूर्ण उपलब्धि हासिल गरेको स्मरण गरे।
अन्तर्राष्ट्रिय सम्मेलनका मञ्चमा खाद्यलगयत जलवायु परिवर्तनसम्बन्धी गरेको माओवादी सरकारको नेतृत्वले जनतामा नयाँ आशा भरोसा विजारोपणको सुरुवात भइरहेको उनको भनाइ छ।
