काठमाडौं । नेकपा एमालेका महासचिव शंकर पोखरेलले काँग्रेस नेता शेखर कोईरालाले सरकारको बिरोध गर्नुको कुनै औचित्य नभएको बताएका छन्।
सोमबार महेन्द्रनगरमा प्रेस चौतारी कञ्चनपुरद्वारा आयोजित पत्रकार सम्मेलनमा बोल्दै महासचिव पोखरेलले भने, “सत्तामा बस्ने दलका नेता विपक्षी जस्तो भूमिका निर्वाह गर्न खोज्नु उचित होइन। जसले सत्तामा हिस्सा पाउँछ, उसले सरकारको काममा सहयोग गर्नुपर्छ।”
पोखरेलले काँग्रेस नेता कोईरालाले केही दिनअघि सरकारी जमिनमा टिप्पणी गर्दै एमालेमाथि आरोप लगाएको विषयमा पनि टिप्पणी गर्दै, यस्तो अभिव्यक्ति नाकारात्मक र लोकप्रियताको उपज भएको दाबी गरे। उनले नेता–कार्यकर्तालाई सरकार विरोधको पछि नपर्न समेत आग्रह गरे।
एमाले–काँग्रेसबीच चुनावसम्म सत्तासाझेदारी कायम रहने भएकाले वर्तमान सरकार नढल्ने पोखरेलको भनाइ छ। विपक्षीहरूले अफवाह फैलाएर सरकार ढल्ने प्रयास गरे पनि त्यसमा जनता नपर्ला भन्ने दाबी उनले गरे।
पोखरेलले जनतालाई जमिनको मालिक बनाउने सरकारको अभियानमा सत्ताधारी काँग्रेसका नेता शेखर लगायत विपक्षी दल माओवादीले पर्याप्त समर्थन नदिएको गुनासो व्यक्त गरे।
पूर्व राष्ट्रपति विद्यादेवी भण्डारीसँग सम्बन्धित विषयमा उनले पाटीमा पुनर्नविकरण लोकतान्त्रिक मूल्य मान्यताको विरुद्धको काम भएको दाबी गरे। साथै, सरकारले गरेको काममा विपक्षीहरूले बिरोधका लागि बिरोध गरिरहेको र संचार क्षेत्र थप सुरक्षित बनाउन मिडिया काउन्सिल विधेयक ल्याउने तयारीमा रहेको समेत पोखरेलले बताए।
उनले अहिले आयात–निर्यात बढिरहेका बेला देशको आर्थिक अवस्था बलियो भइरहेको पनि उल्लेख गरे।
