काठमाडौं । भौतिक पूर्वाधार तथा यातायात मन्त्रालयले मन्त्रालय तथा मातहतका निकायहरूबाट प्रवाह हुने सार्वजनिक सेवामा कुनै पनि प्रकारको अनियमितता, अवाञ्छित शुल्क असुली र बिचौलियाको संलग्नता कडाइका साथ निषेध गरेको जनाएको छ।
मन्त्रालयद्वारा जारी प्रेस विज्ञप्तिमा सेवा प्रवाहलाई सरल, सहज, पारदर्शी तथा प्रभावकारी बनाउने उद्देश्यले सेवाग्राहीलाई अनावश्यक झन्झटमा पार्ने कार्य रोक्न निर्देशन दिइएको उल्लेख छ।
मन्त्रालयले सम्बन्धित सबै सरोकारवालालाई सेवा प्रवाह प्रक्रियामा स्वच्छता कायम गर्न आग्रह गर्दै अनियमित गतिविधि भेटिएमा कारबाही गरिने चेतावनी दिएको छ।
