सुर्खेत। कर्णाली प्रदेश सरकारमा सहभागी नेपाली कांग्रेसका चारै जना मन्त्रीहरूले बुधबार सामूहिक रूपमा राजीनामा दिएका छन्। उनीहरूले मुख्यमन्त्री यामलाल कँडेलसमक्ष राजीनामा बुझाएसँगै कर्णालीको सत्ता समीकरण नयाँ चरणमा प्रवेश गरेको छ।
राजीनामा दिने मन्त्रीहरूमा आर्थिक मामिला तथा योजना मन्त्री राजिव विक्रम शाह, सामाजिक विकास मन्त्री घनश्याम भण्डारी, उद्योग, पर्यटन, वन तथा वातावरण मन्त्री सुरेश अधिकारी तथा ऊर्जा तथा जलस्रोत विकास मन्त्री विजय बुढा रहेका छन्।
बुधबार बिहान बोलाइएको मन्त्रिपरिषद् बैठक कांग्रेसका मन्त्रीहरूले बहिष्कार गरेका थिए। आर्थिक मामिला मन्त्री शाह विदेश भ्रमणमा रहेका कारण बैठकमा उपस्थित थिएनन् भने ऊर्जामन्त्री बुढा पनि अनुपस्थित रहे। वनमन्त्री अधिकारी र सामाजिक विकासमन्त्री भण्डारी मुख्यमन्त्री कार्यालय पुगे पनि मन्त्रिपरिषद् बैठकमा सहभागी नभई सिधै मुख्यमन्त्री कँडेललाई राजीनामा बुझाएर फर्किएका थिए।
एमाले र नेपाली कांग्रेसको संयुक्त गठबन्धनमा कर्णाली प्रदेश सरकार सञ्चालन हुँदै आएको थियो। हाल सरकारमा एमालेका तर्फबाट मुख्यमन्त्री कँडेलसहित दुई मन्त्री र एक राज्यमन्त्री रहेका छन्।
दुई दलबीच यसअघि आलोपालो प्रणालीअनुसार सरकारको नेतृत्व गर्ने सहमति भएको थियो। कांग्रेसका मन्त्रीहरूको सामूहिक राजीनामालाई सोही सहमति कार्यान्वयनको प्रक्रिया वा प्रदेशमा नयाँ सत्ता समीकरणको तयारीका रूपमा राजनीतिक वृत्तमा हेरिएको छ।
चार मन्त्रीको बहिर्गमनसँगै अब कर्णाली प्रदेश सरकारको आगामी नेतृत्व र गठबन्धनको स्वरूपबारे चासो बढेको
