काठमाडौं। बिहीबार सम्पन्न प्रतिनिधिसभा सदस्य निर्वाचनको मतपरिणाम धमाधम आइरहेको छ । शुक्रबार मध्यरातिसम्म १२ क्षेत्रको नतिजा सार्वजनिक भएको छ । अन्यत्र मतगणना जारी छ।
निर्वाचन आयोगका अनुसार काठमाडौं जिल्लाका १० मध्ये ६ वटाको नतिजा सार्वजनिक भएको छ। जसमा राष्ट्रिय स्वतन्त्र पार्टीले एकलौटी जित निकालेको छ। रास्वपाले कास्की ३ मा पनि जितेको छ। कांग्रेसले मनाङ, मुस्ताङ र रसुवा गरी चार ठाउँमा जित निकालेको छ। नेकपाले रुकुम पूर्व र कालीकोटमा जितेको छ।
एमालेसहित अन्य दलले खाता खोल्न सकेका छैनन्।
को कहाँबाट विजयी?
रास्वपा : रास्वपाबाट काठमाडौं १ मा रन्जु दर्शना, ३ मा राजुनाथ पाण्डे, ६ मा शिशिर खनाल, ७ मा गणेश पराजुली,८ मा विराजभक्त श्रेष्ठ र १० मा प्रदीप विष्ट विजयी भएका छन्। कास्की ३ मा पनि रास्वपाकै विना गुरुङ विजयी भएकी छन् ।
कांग्रेस : कांग्रेसबाट मनाङमा टेकबहादुर गुरुङ, मुस्ताङमा योगेश गौचन थकाली र रसुवामा मोहन आचार्य विजयी भएका छन् ।
नेकपा : नेकपा संयोजक पुष्पकमल दाहाल प्रचण्ड रुकुम पूर्व र महेन्द्रबहादुर शाही कालीकोटबाट निर्वाचित भएका छन्।
