काठमाडौं । अन्तरजातीय विवाह गरेकै आधारमा एक जोडीमाथि गृह प्रशासनले ज्यादती गरेको विरोधमा दलित विद्यार्थी कानुन समाजले सरकारको खबरदारी गरेको छ । बुधबार माइतीघरमा उनीहरूले खबरदारी सभा गरेका हुन्।
सर्लाहीका सत्येन्द्रकुमार राम र नेहा चौधरीलाई छुटाउन प्रहरीले पटक-पटक पक्राउ गरी कुटपिट गरेको थियो। उनीहरूलाई पक्राउ गर्न प्रहरीले मुम्बईसम्म टोली खटायो । गृहमन्त्री रमेश लेखककै निर्देशनमा यसरी आफूहरूमाथि अत्याचार गरिएको पीडितहरूले बताएका छन्।
गृह प्रशासन तथा प्रहरीकै मिलेमतोमा यसरी ज्यादती भएकोमा दलित अधिकारकर्मीहरूले आन्दोलनको घोषणा गरेका छन्। प्रहरीले घटनाको छानबिन गर्नुको सट्टा घटना झुटो भएको भन्दै ढाकछोपको प्रयास गरेको छ।
