काठमाडौं । रोटरी क्लब अफ न्यूरोड सिटीले मे ५ तारिकका दिन आफ्नो २२ औं स्थापना दिवस मनाएको छ । स्थापना दिवससँगै क्लबले डिस्ट्रिक्ट गभर्नर अफिसियल क्लब भिजिट कार्यक्रम समेत सम्पन्न गरेको छ । क्लबले आफ्नो स्थापना दिवसरका अवसरमा संस्थापक सदस्यदेखि १० वर्ष बढि पार गरेका सदस्यहरुलाई सम्मान समेत गरेको थियो ।
क्लबले सोहि अवसरमा नेपालको शिक्षा, सञ्चार र सेवाको क्षेत्रमा विशिष्ट योग्दान पुरयाएको भन्दै वरिष्ठ संचारकर्मी रोटरियन मञ्जु कार्की लामिछानेलाई विशेष सम्मान गरेको थियो ।
डिस्ट्रिक्ट गभर्नर राजेन्द्रमान शेरचन, पूर्व गभर्नरहरु, एसिस्टेन्ट गभर्नर, डिस्ट्रिक्ट अधिकारी तथा क्लबका सदस्यहरुको उपस्थितिमा क्लबले आफ्नो स्थापना दिवस तथा डिनी अफिसियल क्लबका भिजिट कार्यक्रम सम्पन्न गरेको हो ।
कार्यक्रममा डिस्ट्रिक्ट गभर्नर राजेन्द्रमान शेरचनले क्लब विभिन्न कमिटिका प्रमुखहरुले प्रस्तुत गरेको कमिटि रिपोर्टबारे रचनात्मक टिप्पणी गर्दै समग्रमा क्लबको कार्यसम्पादन उत्कृष्ट रहेको भन्दै बधाई दिएका थिए ।
गभर्नर शेरचनले क्लबले बनाएको जीवन्त तथा गतिशिल क्लबको गौरबपूर्ण छवि एवं विरासतलाई कायम राख्ने विश्वास व्यक्त गरेका थिए । कार्यक्रमा क्लबका अध्यक्ष निरज शाक्यले क्लबले रोटरीको मर्म अनुरुप सेवा परियोजना सञ्चालन गरेको बताएका थिए । कार्यक्रममा नयाँ एकजना सदस्यलाई सपथ खुवाउनुका साथै रोटरी पिन प्रदान गरिएको थियो ।
रोटरी क्लब अफ न्यूरोड सिटी सन २००४ मे ५ मा ३६ जना सदस्यबाट स्थापना भएको हो । क्लबको संस्थापक अध्यक्ष डा हर्षरत्न शाक्य हुन । हाल क्लबमा ४३ जना सदस्य रहेका छन् । क्लबमा रोटरीको विविधताको मर्मनुरुप वित्तीय क्षेत्रसँग आवद्व व्यक्तित्वहरु क्लबका सदस्यका रुपमा रहेका छन् ।
प्रत्येक रोटा वर्षजसो र्नै डिस्ट्रिक्टका विभिन्न कमिटीको नेतृत्वमा समेत क्लबका सदस्यहरुको बलियो उपस्थिति रहने गरेको छ । क्लबले समाजमा परियोजनाको दीगोपनालाई मध्यनजर गर्दै विभिन्न परियोजना गर्ने गरेको छ ।
क्लबले ललितपुर, धादिङ लगायतका जिल्लामा स्वास्थ्य शिविर, उच्च प्रविधिका स्वास्थ्य उपकरण हस्तान्तरण, बाढीपहिरो प्रभावितलाई राहत प्रदान गर्नेदेखि सामुदायिक भवन निर्माण,खानेपानी, सिंचाई परियोजना, विद्यालय भवन निर्माण, विद्यालयमा स्कलरशिप, बालिकामैत्री शौचालय निर्माण लगायतका विविध परियोजनाहरु गर्दै आएको छ ।
