एक्स सरकारको सम्पर्कमा, सूची दर्ताका लागि माग्यो कागजात

काठमाडौं । सरकारले निष्क्रिय बनाउने निर्णय गरेपछि अमेरिकी धनाढ्य एलन मस्कको कम्पनी ट्वीटर (एक्स) सम्पर्कमा आएको छ। एक्स कम्पनीले सञ्चार तथा सूचना प्रविधि मन्त्रालयमा सूची दर्ताका लागि सम्पर्क गरेको हो।

मन्त्रालयका प्रवक्ता गजेन्द्र कुमार ठाकुरका अनुसार शुक्रबार एक्स कम्पनी आधिकारिक रूपमा सरकारको सम्पर्कमा आएको हो। त्यस्तै हाम्रो पात्रो पनि सूची दर्ताका लागि निवेदन दिएको उनले बताए। प्रवक्ता ठाकुरका अनुसार हाम्रो पात्रोले बिहीबार साँझ सूची दर्ताका लागि सम्पर्कमा आएको हो।