काठमाडौं । । विशेष अदालतले वाइडबडी वाइडबढी विमान खरिदमा भ्रष्टाचार गरेको भन्दै नेपाल वायुसेवा निगमका अध्यक्ष शंकर अधिकारी सहित चार जनालाई दोषी ठहर गरेको छ ।
विशेष अदालतले नेपाल वायुसेवा निगमका अध्यक्ष शंकर अधिकारी, महाप्रबन्धक सुगतरत्न कंसाकार र निगमका सदस्यहरूद्वय बुद्धिसागर लामिछाने र शिशिर ढुंगानालाई दोषी ठहर गरेको हो ।
विशेष अदालतले महाप्रबन्धक कंसाकारलाई २ वर्ष ६ महिना, अध्यक्ष अधिकारीलाई १ वर्ष ९ महिना र सदस्यहरु ढुंगाना र लामिछानेलाई समान १ वर्ष ६ महिना कैद सजाय तोकेको छ । तत्कालीन पर्यटनमन्त्री जीवनबहादुर शाही लगायतका आरोपीलाई भने अदालतले सफाइ दिएको छ ।
वाइडबडी विमान खरिदमा भ्रष्टाचार भएको भन्दै अख्तियार दुरुपयोग अनुसन्धान आयोगले २२ चैत, २०८० मा विशेष अदालतमा ३२ जना विरुद्ध भ्रष्टाचार मुद्दा दायर गरेको थियो । अख्तियारले २४ जना नेपाली नागरिक र ८ जना विदेशीलाई प्रतिवादी बनाएको थियो ।
