काठमाडौं । साताको पहिलो सेयर कारोबार दिन आइतबार नेप्से परिसूचक १०.२९ अंकले घटेर २६१०.६३ विन्दुमा बन्द भएको छ। सेन्सेटिभ इण्डेक्स पनि ३.२२ अंकले घटेर ४५१.०७ विन्दुमा पुगेको छ।
यस दिन कुल ३२३ स्क्रिप्सको १ करोड २ लाख ७४ हजार १२६ कित्ता सेयर ५ अर्ब १ करोड ७५ लाख ९७ हजार २९४ रुपैयाँमा खरिद–बिक्री भएको छ।
दोहोरो अंकको गिरावटका बाबजुद केही कम्पनीको सेयर सकारात्मक सर्किट लेभलमा कारोबार भएको छ। विन नेपाल लघुवित्त र श्रीनगर एग्रिटेक इन्डस्ट्रिजको सेयर १०% ले बढ्दा, सान्भी इनर्जीको सेयर ९.१६% ले वृद्धि भएको छ। त्यस्तै सागर डिस्टिलरी र युनाइटेड आइडीआई आरबी हाइड्रोपावरको सेयर ७–७% ले बढेको छ।
कारोबार रकमका आधारमा एसवाइ प्यानल नेपाल शीर्ष स्थानमा रह्यो र ३० करोड मूल्य बराबरको सेयर कारोबार गर्यो। श्रीनगर एग्रिटेक इन्डस्ट्रिज र बन्दीपुर केवलकारले २२–२२ करोड, एनआईसी एसिया बैंकले २१ करोड र सागर डिस्टिलरीले १८ करोडको कारोबार गरे।
आज कारोबारमा ७९ वटा स्टक्सको मूल्य बढ्दा १७१ स्टक्सको घटेको छ, भने ९ स्टक्सको मूल्य स्थिर रह्यो। तीन समूहको उपसूचक बढ्दा बाँकी १० वटा समूहको उपसूचक घटेको छ। विशेषगरी होटल्स, मनु एण्ड प्रो र ट्रेडिङ समूहको उपसूचक वृद्धि भएको छ।
