काठमाडौं । बुधबार नेपाल स्टक एक्सचेन्ज (नेप्से) बजार दोहोरो अङ्कले ओरालो लागेको छ। नेप्से परिसूचक २०.५६ अङ्कले घटेर २५४४.५९ बिन्दुमा झरेको छ। आज ३२१ कम्पनीको ८४ लाख कित्ता सेयर किनबेच हुँदा ३ अर्ब ८४ करोड रुपैयाँ बराबरको कारोबार भएको नेप्सेले जनाएको छ।
बजारमा ४९ कम्पनीको सेयर मूल्य बढ्दा १९८ कम्पनीको मूल्य घटेको छ भने ७ कम्पनीको मूल्य स्थिर रहेको छ। सबैभन्दा ठूलो कारोबार एनआरएन इन्फ्रास्ट्रक्चरमा भएको छ, जसको मूल्य ४० करोड रुपैयाँ बराबर रहेको छ। यससँगै राधी विद्युत् कम्पनी २२ करोड, साहस ऊर्जा १४ करोड, युनियन हाइड्रोपावर १३ करोड र शिवम् सिमेन्ट ७ करोड रुपैयाँ बराबरको कारोबारमा रह्यो।
आज ४ कम्पनीको सेयर मूल्यमा सकारात्मक सर्किट लागेको छ। भुगोल इनर्जी र सागर डिस्टीलरीको सेयर मूल्य १० प्रतिशतले बढेको छ भने बुंगल हाइड्रो र बन्दीपुर केबलकारको मूल्य ९.९८ प्रतिशतले वृद्धि भएको छ।
विभिन्न समूहका सूचकमा बजार मिश्रित देखिएको छ। उत्पादन समूह ०.२३ प्रतिशतले बढेको छ भने व्यापार समूह सर्वाधिक २.३५ प्रतिशत र अन्य समूह १.३३ प्रतिशतले घटेका छन्। बाँकी समूहमा गिरावट एक प्रतिशतभन्दा कम रहेको छ।
