काठमाडौं । बुधबार नेपाल स्टक एक्सचेन्ज (नेप्से) परिसूचक झिनो अंकले घटेको छ। आज नेप्से परिसूचक ०.३३ अंकले घटेर दुई हजार ६००.२० विन्दुमा बन्द भएको हो ।
त्यसैगरी, आज कारोबार रकम सामान्य बढेको छ । आज कूल १ करोड ३७ लाख कित्ता शेयर खरिद–बिक्री हुँदा ५ अर्ब ९४ करोड २८ लाख रुपैयाँ बराबरको कारोबार भएको छ । नेप्सेका अनुसार आज ११२ वटा कम्पनीको शेयरमूल्य बढेको छ भने १३४ कम्पनीको मूल्य घटेको छ। एउटाको शेयरमूल्य स्थिर छ ।
आज मोदी इनर्जीको शेयरमूल्यमा सकारात्मक सर्किट लागेको छ भने सबैभन्दा धेरै कारोबार बुटवल पावर कम्पनीको भएको छ । सो कम्पनीको मात्र ५३ करोड९४ लाख रुपैयाँ बराबरको शेयर कारोबार भएको हो ।
