काठमाडौं । बालगायक सचिन परियारको निधन भएको छ। टिचिङ अस्पतालमा बुधबार भर्ना भएका उनको बिहीबार बिहान निधन भएको उनका बुबा तेजेन्द्र परियारले जानकारी दिएका छन्। निमोनिया भएपछि करिब एक हप्ताबाट अस्पताल भर्ना भएका उनको निमोनिया बिग्रिएर निधन भएको बताइएको छ ।
सचिनको स्वास्थ्य अवस्थामा समस्या आएको र उपचारको लागि रकम आवश्यकता भएको भन्दै उनको परिवारले केही समयअघि आर्थिक सहयोगको मागसमेत गरेको थियो।
भाइरल बालगायकका रुपमा परिचित सचिनले गाएका गीतहरू समाजिक सञ्जालमा छाएका छन्। सचिनले महानयक राजेश हमालसँग एक म्युजिक भिडियो अभिनय गरेका थिए भने हास्य श्रृखला ‘मेरी बास्सै’मा पनि अभिनय गरेका थिए। ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत उनले गाएका प्रमुख गीत हुन्।
